Tuesday, December 25, 2007

Kenthir Karo Kenthus

Kenthir pethuk ambèk konco lawasè sing jenenge Kenthus. Pas ketemu arèk loro iku podho kagèt mergo Kenthir ambèk Kenthus podho-podho siraè pètal, rainè gosong ambèk untunè yo podho bocèlè.

Kenthir cerito lèk rainè rusak, siraè pètal, ambèk untunè ngowos mergo mèlok nyemprot kobongan ambèk mangap. "pas aku mangap dadak onok elpiji mbledhos" jarè Kenthir.

Mari ngono Kenthir takok nang Kenthus opo'o kok siramu petal?

"mari trawèh aku nyumet mercon ambèk rokok. Mari tak sumet, merconè tak sawatno wong dhodhol soto terus ndelik karo rokokan. Dhadhak wonge ngerti, aku diuber terus sirahku digepuki pikulanè soto" jare Kenthus.

"lha lèk raimu kenek opo koq gosong?" takok Kenthir maneh. "mari sirahku waras, aku merconan manèh. Mari tak sumet ambèk rokok, merconè tak sawatno wong dhodhol bakso terus ndhelik manèh ambèk rokokan. Dhadhak aku ketemon manèh, aku diuber mari ngunu aku diguyang duduè bakso" jarè Kenthus.

"wok nèmèn koen iku, ngono yo gak kapok. Lha lèk untumu kenek opo koq guwung kabèh?" takon Kenthir manèh.

"ooh lèk iki sèjé ceritanè. Pas katèné nyumet mercon dhadhak onok arèk pacaran liwat" jare Kenthus polos.

"kapok koen, mulakno tah ojo seneng nginceng. Paling koen digibheng ambèk sing lanang" jare Kenthir kemeruh.

"gak ngono ceritanè..." jarè Kenthus.

"opo'o lho?...?" takon Kenthir pingin eroh.

"aku lali... Rokokku sing tak sawatno..."

2 comments:

  1. Elok tenan dagelane. Matur nuwun banget mas bisa entuk maca n bisa nglipur ati dadi bebungah. Slm....

    ReplyDelete
  2. @Doanco : Hehehe...Matur suwun sanget, sampun mampir.

    ReplyDelete

Related Posts Plugin for WordPress, Blogger...